1. viðgerð av fíggjarlógini higratil hevur veirð keðilig og tekniskt.
Samgongan og andstøðan hava hvør í sínum lagi roynt at mála mynd av samfelagnum út frá egnu
metingunum av fíggjarlógaruppskotinum.
Andstøðan leggur landsstýrið undir at hava sminka fíggjarlógina nakað, tí allar útreiðslur ikki eru tiknar við. Tað hevur við sær, at vøksturin í rakstrinum er hægi enn tey 1,8 prosentini, sum samgongan sigur.
Andstøðan og samgongan stríðast eisini um, hvør av teimum betur hevur dugað at stýrt og hvør hevur æruna av, at tað gongur so væl í samfelagnum nú. Partarnir eru eisini ósamdir um, hvør tað er, sum hevur stýrt so væl, at fíggjarlógin nú aftur hevur avlop.
Gamaní, nevndi onkur at lágir oljuprísir og høgir fiskaprísir hava viðvirka til góðu gongina, men lurtqr ein eftir orðaskifinum, so henda allar broytingar í búskapinum, alt eftir um tað er høgra ella vinstra, sum situr við valdið.
Tilmælið til nýggja fiskivinnuskipan er komið, men enn heuvr tað so at siga ikki verið drigið inn í orðaskiftið um fíggjarlógina, men tað kann tað lættliga koma enn.
Eitt annað, sum tingfólk ikki tosa um, eru stóru upphæddirnar, sum frammanundan eru bundnar í stóru aðalráðunum, so sum almeannaráðnum, heilsumálaráðnum, mentamálaráðnum og øðrum ráðum, har skyldurnar hjá samfelagnum eru bundnar.
Føroyar eru millum heimsins ríkastu lond, so semja er hóast alt um, at tað er nú tað ræður um at stýra við skili.
