Í hesum sambandi bjóðar P/F Eystur- og Sandoyartunlar til alment hátíðarhald í ítróttarhøllini á Sandi.
Har fara fleiri at halda røðu, áðrenn 94 ára gamla Harriet Korg Jensen av Sandi fara at skjóta síðsta skotið.
Arbeiðið at gera tunnilin hevur gingið so væl, at tey eru fimm mánaðir framman fyri tíðarætlanina.
Tað var í 2018, at arbeiðið byrjaði. Byggitíðin er fimm ár, og tunnilin skal vera liðugur í 2023.
Tunnilin er 9,5 metrar breiður og 10,8 kilometrar langur.
Metta ferðslan um samdøgrið er 300-400 bilar. Mesta hall í tunlinum er 5 prosent, og lægsta punkt frá havbotni er 147 metrar.
##med2##
##med3##
##med4##
Skráin við hátíðarhaldið verður hendan:
Teitur Samuelsen, stjóri í P/F Eystur og Sandoyartunlum, bjóðar vælkomin
Bergur Poulsen, nevndarformaður, heldur røðu
Jørgen Niclasen, landsstýrismaður í fíggjarmálum, heldur røðu
Gerhard Lognberg, heldur røðu
Brandur Sandoy, heldur røðu
Páll á Reynatúgvu, heldur røðu
Heri Sverrason, borgarstjóri, heldur røðu
Jørgen Niclasen og 94 ára gamla Harriet Krog Jensen, skjóta síðsta skotið
Kaffi og køka
