Filmurin "Operation Argo", sum Ben Aflfleck hevur leikstjórnað, fekk heiðurin sum tann besti filmurin, tá tað árliga Oscar-hátíðarhaldið var í Los Angeles í nátt.
Sjálvur hevur Ben Affleck (myndin) høvuðsleiklutin sum CIA-agenturin Tony Mendez, sum fær til uppgávu at bjarga seks amerikonskum gíslum úr Iran. Filmurin byggir á veruligar hendingar.
Heiðurin sum besti leikstjóri fekk Ang Lee fyri filmin "Life of Pi".
Jennifer Lawrence fekk Oscar fyri tann besta kvinnuliga høvuðsleiklutin í filminum "Silver Linings Playbook", og Daniel Day-Lewis fekk sama heiður fyri høvuðsleiklut sín í filminum "Lincoln".
