-Øll londini taka undir við at skerja framleiðsluna, og eg ivist ikki í, at tað verður úrslitið, tá vit hittast, sigur OPEC-formaðurin, Chakib Khelil, við Reuters undan tí avgerandi fundinum í morgin.
Formaðurin ásannar, at eftirspurningurin eftir olju er minkandi orsakað av teirri búskaparligu afturgongdini kring heimin, og hann væntar ikki, at eftirspurningurin fer at veksa aftur í bræði, sigur hann.
Sjálvur heldur Chakib Khelil, at OPEC-londini eiga at vera nøgd, um oljuprísurin kann halda sær á umleið 75 dollarum fyri tunnuna.
Nrski marknaðarserfrøðingurin Sandrine Tørstad væntar, at OPEC fer at skarva millum hálva aðru og tvær milliónir tunnur av teirri dagligu framleiðsluni, og at prísurin fer at halda sær millum 45 og 50 dollarar.
40 prosent av allari olju í heiminum kemur úr teimum 13 OPEC-londunum. Oljulond sum Russland, Noreg og Meksiko eru ikki limir í OPEC.
