Ein útsettur dystur hevur verið í Premier League í kvøld. Liverpool vann 2-0 á útivølli móti West Ham. Mohamed Salah og Alex Oxlade-Chamberlain skoraðu málini.
Liverpool var uttan Sadio Mané, sum væntandi situr uttanfyri eitt umfar í Premier League afturat. Í hansara stað kom Divock Origi. Áleyparin úr Belgia vann eitt brotsspark, tá hann tíggju minuttir fyri tíð bleiv feldur í trunkaspælið frammanfyri málinum hjá West Ham. Mohamed Salah umsetti til 1-0.
##med2##
Í seinna hálvleiki helt Liverpool fram at zlatanera West Ham. Tað endaði við at Alex Oxlade-Chamberlain økti til 2-0, tá sjey minuttir vóri spældir av seinna hálvleiki. Talan var um eitt av eyðkendu skjótálopunum hjá Liverpool, har Mohamed Salah spældi enska landsliðsspælaran leysan.
Liverpool kundi havt økt, men West Ham hevði eisini møguleikar at minka um munin. Eitt nú var Trent Alexander-Arnold avbera nær við at gera sjálvmál, men rakti stongina. Við sigrinum er Liverpool heili 19 stig fremst í Premier League.
| 1 | Liverpool | 24 | 23 | 1 | 0 | 56:15 | 67 |
| 2 | Man City | 24 | 16 | 3 | 5 | 65:27 | 51 |
| 3 | Leicester | 24 | 15 | 3 | 6 | 52:24 | 48 |
| 4 | Chelsea | 24 | 12 | 4 | 8 | 41:32 | 40 |
| 5 | Man Utd | 24 | 9 | 7 | 8 | 36:29 | 34 |
| 6 | Tottenham | 24 | 9 | 7 | 8 | 38:32 | 34 |
| 7 | Wolves | 24 | 8 | 10 | 6 | 35:32 | 34 |
| 8 | Sheffield Utd | 24 | 8 | 9 | 7 | 25:23 | 33 |
| 9 | Southampton | 24 | 9 | 4 | 11 | 31:42 | 31 |
| 10 | Arsenal | 24 | 6 | 12 | 6 | 32:34 | 30 |
| 11 | Crystal Palace | 24 | 7 | 9 | 8 | 22:28 | 30 |
| 12 | Everton | 24 | 8 | 6 | 10 | 28:35 | 30 |
| 13 | Burnley | 24 | 9 | 3 | 12 | 28:38 | 30 |
| 14 | Newcastle | 24 | 8 | 6 | 10 | 24:36 | 30 |
| 15 | Brighton | 24 | 6 | 7 | 11 | 27:34 | 25 |
| 16 | Aston Villa | 24 | 7 | 4 | 13 | 31:45 | 25 |
| 17 | West Ham | 24 | 6 | 5 | 13 | 27:40 | 23 |
| 18 | Bournemouth | 24 | 6 | 5 | 13 | 23:37 | 23 |
| 19 | Watford | 24 | 5 | 8 | 11 | 21:36 | 23 |
| 20 | Norwich | 24 | 4 | 5 | 15 | 24:47 | 17 |
