Sjómannadagar eru í Klaksvík um vikuskiftið, og tá er vatnkríggj fastur táttur.
Í mun til undanfarin ár, so verða bæði vatnkríggj og fiskikapping í ár hildin fríggjakvøldið.
Hartil siga fyriskipararnir, at tey heita á fólk um ikki at nýta vatnballónir at kasta við frá skipum og bátum. Hetta tí tað er í stríð við umhvørvislóggávuna. Men á landi er eingin trupulleiki at brúka hetta.
Triton og Brimil luttaka í stóra vatn krígnum í ár, har nógv verður gjørt burturúr. Sløkkilið úr fleiri økjum í landinum luttaka. Børn skulu verða í bjargingarvestum og regnklæðum og helst verða sminkað sum sjórænarar.
Fiskikappingin byrjar klokkan 18, og klokkan 19 verður farið undir vatnkríggið.
