Jesper Binzer segði, at søgan aftanfyri DAD var tann, at tað vóru nakrir skeytboard-koyrandi ungir dreingir, sum funnu uppá at spæla punk rock. Síðani funnu teir uppá at taka country tónleikin við, so teir funnu ein nýggjan stíl, sum teir kalla fyri countrypunk. Tað var hesin stílurin, sum gjørdi teir heimskendar.
Jesper greiddi frá, at grundin til at teir vóru komnir til Føroyar var eitt sindur ring at greiða frá, onkur kendi onkran, so var tað ein maður í Føroyum, sum hevði opna eitt dansistað o.s.v.
Manningin í bólkinum hildu, at tað var eitt gott hugstot at fara ein túr til Føroyar. Bólkurin hevur júst skift manning, trummusláarin seinastu 15 árini, Peter Jensen, vildi royna okkurt annað enn tónleik. So seinast tíðina hevur bólkurin verið uttan trummusláara, men nú hevur tað eydnast bólkinum at fáa ein ungan trummisláara við nógvari energi, sum gevur bólkinum nýtt lív.
Túrin til Føroyar var ein byrjan til eitt nýtt tíðarskeið hjá bólkinum DAD. Jesper Binzer sigur, at teir hava gjørt nøkur nýggj løg, sum skulu prøvast av. Aftaná konsertina í Havn liggur leiðin til Skanderborgfestivalina, og síðani skal DAD spæla í Hambrug.
Sleeping my day away
Tann kendasti sangurin hjá DAD er óiva ?Sleeping my day away?, Jesper greiðir frá, at hann er um persónarnar í bólkinum. Og sjávandi um øll hini ungfólkini, sum sova dagarnar burtur.
Vit spurdu Jesper Binzer, um hann helt at tað var navnið, hevur gjørt bólkin kendan?
? Nei, tað haldi eg ikki. Tá ein ger ein bólk er tað síðsta ein ynskir, at navnið skal minna um pápa sín, so vit hava verið noyddir at kempa. Ha, ha, ha...
Jesper sigur víðari, at DAD og Walt Disney hava eitt til felags, tað er, at ein ikki blívur ov gamal til hvørki.
Føroyar at gott stað at vitja, men?
Eins og flestu útlendingar hildu limirnir í DAD, at Føroyar er eitt sera vakurt land, og her er nógv at síggja. Vit hava verið og fiska, og reist eitt sindur runt í Føroyum. Hetta hevur verið eitt gott upplivisi, men búgva her ? nei. Men at vitja eru Føroyar frálíkar, sigur Jesper Binzer
Nýggja fløga í ár 2000
DAD arbeiðir í løtuni uppá eina nýggja fløguútgávu. Hon verður tikin upp í Malmø, har hava teir verið fyrr, og spælt nøkur demoløg. Hetta studio dámar teimun í DAD sera gott, tað eru eisini aðrir kendir bólkar, sum hava tilknýtið til hetta studio, t.d Cardigans Ætlanin er at henda útgáva skal koma út í mars ár 2000, men vit fáa at síggja, sigur Jesper Binzer sangari í DAD við Sosialin.
