Ásla Rannvá er í læru sum blómubindari í Akkuleya í Havn. Hon sigur, at blómur hava allar fagrar og glaðar litir, og tað speglast aftur í myndunum, sum hon hevur gjørt til hesa framsýningina.
Jóhan Martin Christiansen verður ikki sjálvur við til framsýningina í Smiðjuni, hann er staddur í Danmark, har hann tekur útbúgving innan list. Hann hevur gingið á listaháskúlanum í Holbæk og er nú á listaskúlanum á Ærø. Hann hevur arbeitt bæði við grafikki, málningum og instlatión, men til hesa framsýning hevur hann valt at hava málningar við. Jóhan Martin hevur fingið fýra myndir við til eina framsýning á Charlottenborg, sum er ein stór sensurerað framsýning.
Ásla Rannvá og Jóhan Martin, sum hava valt at kalla framsýningina " Ongamannaland ", siga, at orðið møguliga fær fólk at hugsa um okkurt grátt og steinut, men tað nýtist tað als ikki at vera. Tað kann verða eitt land, tú ímyndar tær, ella kanska eitt dreymaland, har man droymir um nakað, sum er spennandi og áhugavert.
Ferniseringin verður hósdagin hósdagin kl 16-18. Framsýningin verður opin soleiðis: Fríggjadagin kl. 15 -19, leygardagin kl. 14-19 og sunnudagin kl. 15-19.
.
