Olympiski býurin, Tokyo, hevur nú tríggjar dagar á rað sett mett í koronu-tilburðum, síðan farsóttin tók seg upp.
Í dag - hósdagin - eru skrásettir 3865 nýggir tilburðir í býnum, og tilburðirnir eru støðugt øktir síðan í juni.
- Um vøksturin heldur fram, verður støðan um minni enn tvær vikur nógv verri enn í triðju smittubylgjuni.
Tað siga lokalir myndugleikar í býnum.
Týsdagin og mikudagin setti Tokyo eisini met í skrásettum tilburðum, og í dag eru tølini enn størri.
Metið seinastu tíðina var mikudagin við 3177 nýggjum smittutilburðum, men í dag er talið uppi á heili 3865.
