Eitt russiskt tangaskip er brotnað av um miðjuna, og nógv olja rennur úr skipinum Tangaskipið kom í havsneyð í illveðri og brotnaði tvørturav. Russisku myndugleikarnir siga, at nógv olja rennur úr skipinum, sum er um at søkka nú.
Óhappið hendi í Kertjenskij-sundinum millum Svartahavið og Asovska Havið, sum er ímillum Russland og Ukraina.
Myndugleikarnir á staðnum siga, at higartil er 1.300 tons av olju runnin út í havið, og teir vænta, at tað fer at taka fleiri ár at taka alt uppaftur.
