Norðmenn fara nú undir tær fyrstu fyririkingarnar til at leita eftir olju og gassi við Jan Mayen. Í fyrsta umfari er ætlanin at kanna jarðløgini. Tær kanningarnar byrja longu tann 10. juni, og skal rannsóknarskipið Harrier Explorer taka lut í kanningunum.
Roknað verður við, at hetta arbeiðið fer at taka einar tríggjar mánaðir, og næsta ár verða seismiskar kanningar, skrivar íslendska Morgunblaðið frá norskum keldum.
