Oljuprísurin hevur sett met í vetur, men hevur saudiarabiski oljumálaráðharrin rætt í sínum metingum, er oljan bílig samanborið við tað, sum vit kunnu vænta okkum um fimm ár.
- Tað er ikki óhugsandi, at oljan verður tvær ferðir dýrari um fimm ár, soleiðis at prísurin kemur upp á 200 dollarar tá, segði Ali al-Naimi, oljumálaráðharri, við Bloomberg í gjár.
Marknaarserfrøðingarnir í Merrill Lynch halda, at oljumálaráðharrin kann fáa rætt í sínari meting.
- OPEC situr við avgerðini, og ger OPEC einki, so kann oljuprísurin koma upp á 200 dollarar fyri tunnuna, sigur Fransisco Blanch hjá Merrill Lynch sambært Finansavisen. Hann sigur, at sum er gera OPEC-londini lítið og einki fyri at tálma oljuprísinum.
