Seinnapartin hugdu nógvir hondbóltsáhugaðir føroyingar eftir danska TV2. Á skránni var dystur í bestu donsku hondbóltsdeildini millum Skjern og GOG við Óla Mittún á liðnum.
Útiliðið, GOG vann 31-27. Í steðginum var GOG frammanfyri 15-13. Hevði GOG ikki brent seks av níggju brotskøstum kundi sigurin verið væl størri. Skjern skoraði upp á trý av fýra brotskøstum.
Óli brendi heldur nógv í fyrra hálvleiki, men hann framdi nógv gott í dystinum. Hann skoraði fimm mál, legði upp til trý mál, og vann liðnum fýra brotskøst, og hann var nógv umrøddur í beinleiðis frásøgnini hjá TV2.
Fyrr í dag bar Portalurin tíðindini, at Teis Horn Rasmussen hevur gjørt sáttmála við Ribe-Esbjerg, ið eisini spælir í bestu donsku hondbóltsdeildini.
Sostatt vera tað tríggir føroyskir landsliðsleikarar, ið fara at spæla í bestu donsku hondbóltsdeildini. Umframt Óla og Teis, so er Pauli Jacobsen málverji hjá HØJ.
Jóhan á Plógv Hansen spælir við Aarhus-Skanderborg.
