Kennist dagurin langur, og kundi tú hugsað tær at fingið vitjan? Leingist tær eftir onkrum at práta við?
- Vitjanartænastan verður sjálvboðin og tann, sum kemur at vitja er 1) minst 18 ár, 2) hevur tíð og orku, 3) er trúfastur og álítandi og 4) hevur tagnarskyldu.
Á heimasíðuni hjá Sjóvar kommunu verður eisini í stuttum greitt frá, hvat ein vitjanarvinur ger.
- Ein vitjanarvinur 1) støkkur inn á gólvið, t.d. 14. hvønn dag ella eina ferð um mánaðin, 2) hugnar sær saman við tær - og 3) kanska fara tit ein túr ella til okkurt tiltak saman.
Tey í Sjóvar kommunu, sum kundu hugsað sær, at onkur kemur inn á gólvið til eitt prát, kunnu venda sær til kommunuskrivstovuna.
