Seinnapartin í morgin, leygardagin verður ókeypis konsert í høllini á Læraraskúlanum.
Konsertin verður klokkan 16 og har fara Jóhannes Andreasen og Sámal Petersen spæla violin og klaver.
Á skránni verða trý kend verk. Fyrst spæla teir vársonatuna eftir Ludvig van Beethoven, síðani Suite Italienne eftir Igor Stravinskij, og teir enda konsertina við d-moll sonatu eftir Johannes Brahms, siga teir báðir í tíðindaskrivi í dag.
