Bayern Munchen á odda 5-0 og Shakhtar Donetsk á odda 6-0. Tað vóru tvær av teimum málríku hálvleiksstøðunum í Champions League í kvøld.
Luiz Adriano skoraði ikki færri enn fýra mál fyri Shakhtar Donetsk fyri í fyrra hálvleiki. Brasilski framherjin sett tvey met. Hann er fyrsti spælarin, sum skorar fýra mál í fyrra hálvleiki. Umframt tað, so skoraði hann trý tey fyrstu málini upp á sjey minuttir. Ongin hevur skotið hattrik so skjótt í einum Champions League dysti.
Bólkur E:
Manchester City var leingi á odda 2-0, men tveitti leiðsluna vekk móti endanum. Hetta gav Roma ein gyltan møguleika, at seta City upp á pláss við at fáa stig móti Bayern Munchen. Tað gekk tó ikki serliga væl, tí Bayern Munchen vann ikki minni enn 7-1!
Úrslit:
CSKA Moskva – Manchester City 2-2
AS Roma – Bayern Munchen 1-7
Støðan:
1. Bayern Munchen 9
2. AS Roma 4
3. Manchester City 2
4. CSKA Moskva 1
Bólkur F:
Barcelona setti seg tung á dystin frá byrjan. Fyrst legði Neymar heimaliðið á odda, áðrenn Lionel Messi økti til 2-0. Í seinna hálvleiki bilvu báðir útskiftir. Barcelona skal leygardagin spæla móti Real Madrid í La Liga. Ajax minkaði um munin, men tað endaði við 3-1. PSG er framvegis oddalið í bólkinum, eftir at teir vunnu 1-0 á Kýpros.
Úrslit:
Barcelona – Ajax 3-1
APOEL – PSG 0-1
Støðan:
1. PSG 7
2. Barcelona 6
3. Ajax 2
4. AOPEL 1
Bólkur: G
Chelsea hevði ikki trupulleikar av Maribor og vann heili 6-0. Chelsea er oddalið í bólkinum og tykist nú hava tryggjað sær víðari luttøku. Í hinum dystinum komu sjey mál, men her var meiri javnt. Schalke vann 4-3 á Sporting Lisbon.
Úrslit:
Chelsea – Maribor 6-0
Schalke – Sporting 4-3
Støðan:
1. Chelsea 7
2. Schalke 5
3. Maribor 2
4. Sporting 1
Bólkur H:
FC Porto kláraði akkurát skerini á heimavølli móti baskarunum úr Bilbao, ið nú liggja niðast í bólkinum. Í Hvítarusslandi setti Luiz Adriano seg sjálvan á heimskortið við fimm málum í 7-1 sigrinum á BATE Borisov.
Úrslit:
FC Porto – Athletic Bilbao 2-1
BATE Borisov – Shakhtar Donetsk 1-7
Støðan:
1. FC Porto 7
2. Shakhtar Donetsk 5
3. BATE Borisov 3
4. Athæetic Bilbao 1
