Ódnin, Idalia, hevur nú rakt vesturstrondina av Florida, og samstundis er ódnin flokkað niður í stig 3.
Men, hetta merkir tó ikki, at ódnin ikki kann gera um seg hóast hesa niðurflokking.
Veðurfrøðingar siga nevniliga, at ódnin kann gerast rættiliga vandamikil, sum tikið verður til.
Á veg móti strondini varð ódnin, sum hesaferð ber navnið, Idalia, uppflokkað til stig 4, sum er næst hægsta stig.
Tá var miðal vindferðin 58 metrar um sekundið, sum sjálvt á okkara leiðum her í Føroyum er útideyðaveður.
Men, tað er ikki bara í Florida, at tey fyrireika seg til ódnina. Tað gera tey eisini í statunum, Georgia, South Carolina og North Carolina.
Veðurfrøðingar siga, at ódnin Idalia hevur eina óvanliga ferðan í ein landnyrðing úr Meksokoflógvanum.
Tíðindastovan NTB er millum miðlarnar, sum bera tíðindini um herviliga ódnarveðrið um middagsleitið í dag.
