B68 brynjar seg til komandi kappingarár, tá felagið aftur er partur av bestu føroysku fótbóltsdeildini.
Felagið setti fyri meira enn einum mánað síðani Páll H. Guðlaugsson sum nýggjan høvuðsvenjara í felagnum, og í kvøld er greitt, hvør verður hjálparvenjari hjá Páll í B68.
Tað er klaksvíkingurin Oddur Olsen, sum seinastu trý árini hevur vant næstbesta liðið hjá KÍ.
Oddur Olsen skal vera hjálparvenjari hjá Effo-liðnum hjá B68, umframt at hava ábyrgdina av næstbesta liðnum. Tað skrivar heimasíðan hjá B68 í kvøld.
