Málverjin hjá sandoyingum varð útvístur longu eftir fimm minuttum, tá hann hevði hondina á bóltinum uttan fyri brotssteigarmarkið. Hóast tað legði oddaliðið seg á odda miðskeiðis í fyrra hálvleiki. Málskjútti var Clayton Soares. Men heimaliðið reistist skjótt.
Steffen Frederiksberg javnaði fáa minuttir seinni, og í seinna hálvleiki tryggjaðu Edvin Jacobsen og Bogi Gregersen, sum fyrr í vikuni skifti til felagið, sigurin.
Skála vann sær trý sera týðandi stig í stríðnum at varðveita sætið í deildini. Tað eru í løtuni trý stig til bjargingina. B71 er framvegis oddalið, men er bara tvey framman fyri VB/Sumba, sum vitjar hjá næstbesta liðnum hjá NSÍ í morgin.
Skála ? B71 3-1 (1-1)
0-1: Clayton Soares
1-1: Steffen Frederiksberg
2-1: Edvin Jacobsen
3-1: Bogi Gregersen
