ODDAGREIN: Um ánna eftir vatni

Sum hyggjarar kunnu vit bara fegn­ast um, at Mentamálaráðið rað­fest­ir hesa tænastuna til Føroya fólk. Vit hava mangan funnist at Ment­a­mál­a­ráð­n­um fyri drál og aft­ur­hald og fyri ikki at tora at taka neyð­ug­ar avgerðir í sambandi við Kring­varp­ið, sum so aftur hevur so stóra á­virk­an á um­s­tøð­ur­nar hjá priv­atu miðlunum. Hetta hevur ser­liga snúð seg um útsøluna av lýs­ing­um og sponsoravtalum, sum sein­astu tíðina hava dikið dik á seg í Kring­varp­inum.
Men nú halda vit, at Menta­mál­a­­ráð­ið beinleiðis oyðslar, tá tað al­menna nú skal byggja eitt nýtt tal­gilt sjónvarpssendinet. Tí tað al­menna eigur longu eitt slíkt net. Net­ið hjá Televarpinum, sum Føroya Tele eigur – og Før­oya Tele er jú ein al­mennur stovn­ur und­ir Vinn­u­mál­­a­ráðnum – sum hevur latið sín­um eig­ara – landskassanum – 30 mill­i­ón­­ir krónur í vinningsbýti.
Sjálvandi átti Vinnumálaráðið bara at giv­ið Televarpinum veit­ing­ar­­skyldu og goldið ta upphædd, sum skal til, soleiðis at sjónvarpsrásin hjá Kring­varpinum sæst í øllum Tele­varps­móttakarum. Kringvarp Før­oya fer valla undir at senda fleiri rás­ir. Tí klára vit ikki at framleiða før­oyskt sjónvarpstilfar til eina rás, so er heldur ikki neyðugt, at ein al­menn­ur stovnur, sum Kringvarp Før­oya skal senda fleiri útlendskar rás­ir, sum Kringvarpið longur framm­an­und­an ­sendir.
Sjálvt um Føroya Tele er eitt parta­fel­ag, so er stovnurin ogn hjá land­i­num. Ongar ætlanir eru um at broyta tað – og tí er einki meira nát­úr­ligt, enn at sjónvarpsnetið hjá Kringvarpinum og hjá Tel­e­varp­i­num verður eitt og sama net.
Kringvarpið eigur ikki sendinetið. Tað ger Mentamálaráðið, og Føroya Tele umsitur tað longu sum er.
Tí tykir tað, sum um menta­mál­a­ráð­harr­in fer um ánna eftir vantið, tá hann fer undir at byggja enn eitt lands­fíggj­að talgilt sendinet. Hetta hevði svar­að til, at Dimmalætting, sum ikki longur hevur eina prent­smiðju, fór at byggja sær eina, held­ur enn at lata blaðið prenta á einari longu eksisterandi prenstmiðju.
Vit vildu ynskt, at Menta­mál­a­ráð­ið heldur nýtti pengar til at tryggja fíggjarliga grundarlagið und­ir Kringvarpinum, so tey sleppa und­an at selja seg til kapitalin fyri hægst­bjóðandi og harvið so líðandi máa støði undan trúvirðinum hjá hesum fyrr respekteraða ment­an­ar­stovni.