ODDAGREIN: Skerpa politiska tónan

So hvassorðaður er formaður Javn­að­ar­floksins, tá hann loysti frá pos­a­bandinum fríggjamorgunin.

Beinleiðis tilsipingin hjá javn­að­ar­for­mann­inum er, at samgongan tvær ferð­ir hevur felt uppskotið hjá Javn­að­arflokkinum um, at tað skal vera ein treyt fyri at fáa fiskiloyvi í Før­oyum, at skipið hevur sáttmála við mann­ingarfeløgini. Uppskotið er aft­ur á tingborðið, og verður helst felt fyri triðu ferð.

At tað er sera stór ósemja millum Javn­að­ar­flokkin og Fólkaflokkinum um ar­beiðs­marknaðarviðurskifti og fiski­vinn­u­politikk – ella í heila tikið um poli­tikk – framgongur týðuliga av retorikkinum teirra millum.

Aksel V. Johannesen hevur gjørt greitt, at so leingi, sum hann er for­maður í Javnaðarflokkinum, fer flokk­urin ikki í samgongu við Fólka­f­­lokkin. Hesa útmelding stendur hann við, og tað fer so at vísa seg eft­ir næsta val, hvørja ávirkan tað fær.

Eyðvitað fær tað ávirkan, tí Javn­að­arflokkurin ­og Fólka­flokk­ur­in sam­starvað nógv – í eini 16 ár – síð­ani teir í 1975 skipaðu fyrstu sam­gong­una sínamillum saman við Tjóð­veld­is­flokk­i­num.

Vit hava ført tað so mangan fram á hes­um stað, at Fólkaflokkurin hev­ur stórt vald, tá hann er í ­sam­gongu. Hann hevur tveir sterkar mans í landsstýrinum í dag, Jørgen Nicl­asen, floksformann, og Jacob Vest­er­gaard, landsstýrismann í fiski­vinnu­málum. Søguliga sæð, so er Fólk­a­flokkurin sterkasti fiski­vinn­u­flokkurin í Føroyum. Upp á skift hava Javnaðarflokkurin, Tjóð­veldi og Sambandsflokkurin giv­ið Fólkaflokkinum valdið á fiski­vinn­uøkinum. Í dag er tað Sam­bandsflokkurin, sum gevur Fólk­a­flokkinum valdið. Í blaðnum í dag hoyra vit løgann muta ímóti leist­i­num hjá Jacob Vestergaard – men tað mugu vit síggja í verki, áðrenn nakar trýr tí.

Meðan tað kann verða lutvíst ó­keypis hjá Javnaðarflokkinum at úti­loka Fólkaflokkin, so er øðrvísi hjá Tjóðveldinum.

Hugsjónarliga munnu Javnað­ar­flokkurin og Tjó­ð­veldi draga somu línu á fiski­vinnu­økinum, eins og á so mongum øðr­um økjum – men fyri Tjóðveldi hev­ur loys­ing­in mest at siga, og tí slít­ur flokkurin seg sjálv­an sundur, um hann skal leggja sjógv til Fólk­a­flokkin.

Men loysingin man verða løgd á »hold« fyribils. Tí kann ein alt­er­n­ativ samgonga verða mill­um Javn­að­ar­flokk­in og Tjóð­veldi – kanska saman við Sam­bands­flokk­i­num.

Í øllum førum mugu hesir tríggir flokk­ar­nir so ella so semjast, skal Fólka­flokk­ur­in ikki framhaldandi hava ræði á fiskivinnuni.

Men tey fáa bara tað vald, sum onnur geva teimum.