Málið um, hvørt Skálafjarðartunnilin skal gerast av einum Javnaðarflokkurin hevði floksleiðslufund fríggjakvøldið, har fundurin gav floksformanninum sín fulla stuðul til, at ætlanin við Skálafjarðartunlinum skal gerast av einum almennum felag og ikki av einum privatum, s0 sum samgongan ætlar.
Men tann støðan hjá flokkinum sampakkar ikki við ætlanina hjá Gerhardi Lognberg, sum alment hevur givið til kennar, at hann ætlar at bjarga samgonguni í hesum máli og atkvøða fyri, at Kári P. Højgaard, landsstýrismaður kann fremja sína verkætlan og fáa í hús sáttmálan við danska felagið Copenhagen Infrastructure Partners.
Tað er av sonnum ein margháttlig støða, sum Javnaðarflokkurin er í. Formaðurin er sjálvur uppskotsstillari til, at Skálafjarðartunnilin skal gerast av einum alemnnum felag.
Men tað kann staðfestast, at formaðurin als ikki hevur fullan stuðul í tingmanningini. Tí ikki bert Gerhard Lognberg, men eisini Kristin Michelsen á Tvøroyri hevur nú givið til kennar alment, at hann ikki fult og heilt stuðlar sínum egna formanni, men at hann eisini er til sølu, um hann fær tyggjað sær suðurleiðina.
Páll á Reynatúgvu úr Tjóðveldi hevur verið frammi við somu sjónarmiðum, at hann er til sølu – og um hann fær »rætta prísin«, so kann eisini hann stuðla og bjarga samgonguni í hesum máli.
Soleiðis kann tað henda, at ætlanin hjá Kára P. Højgaard verður samtykt í løgtinginum – men at meðan teir tríggir samgongutingmenninir, Bjarni Djurholm, Bárður Nielsen og Jenis av Rana atkvøða við samgonguni, og Gerhard Lognberg, Páll á Reynatúgvu og Kristin Michelsen atkvøða við samgonguni.
Tá er ruðuleikin at kalla fullkomin.
Enn eru tó ikki allar suður syftar. Greitt er ikki enn, nær tingfundur verður aftur. Men megnar andstøðan ikki at savna seg um eitt uppskot, áðrenn málið kemur aftur í tingið, so hevur andstøðun ikki veruliga mótspælið, sum skal til fyri at vinna á samgonguni í hesum máli.
