ODDAGREIN: Landið sum kappingarneyti

Og nógv okkara hava hesa kensl­una. Síðsta vika var í so máta eitt gott dømi, har av­gerðir hjá nøkrum fá­um førdu til, at milliardir fóru fyri skeyti - pengar hjá kapitalinum, men so sanniliga eisini pengar hjá Palleba og Marsannu. Og hava vit mal­ið í ring? Vit kunnu hóskandi svara við at spyrja, um vit hava lært nakað av 1992? Nóg nógv hava vit so ikki lært.
Um vikuskiftið fegn­aðust vit um, at út­varps­støð okk­­ara fylti trý ár sum partur av Miðla­hús­i­num.

Tað var við bjørtum vónum, at Sos­ialurin fór undir at reka út­varps­virk­semi. Ætl­an­ir­nar vóru gamlar - men tá Rás2 var til sølu, so var tað nógv ó­makas­leysari at keypa eina verandi støð, heldur enn at byggja eina nýggja.
At vit tordu at taka hetta takið var eis­ini tí, at løg­tingið púra greitt segði, at tann mis­mun­ur, sum Føroya Løgting og Føroya Lands­stýri sýna privatu miðlunum í sambandi við lýsingar, skal burt­ur.

Kortini kunnu vit staðfesta, at størsta hótt­anin móti privatum fjøl­miðl­a­virk­semi í Føroyum júst eru okk­ara fólk­a­valdu, sum ikki hava dirvi ella hegni til at fáa skip­að við­ur­skift­ið á fjøl­miðl­a­øki­num. Kring­varp­ið und­ir­grev­ur lýs­ing­ar­markn­aðin við at selja lýsingar, sam­stundis sum stovnurin er ein skatt­a­inn­krevji. Við almennum stuðli kapp­ast Kring­varp Før­oya móti pri­v­at­um fjøl­miðl­um, sum sjálvandi tapa í kapp­ingini, tí vit hava ikki lands­kassan í rygginum.

Um vikuskiftið hava fólk frá Rás2 ver­ið á stevnu fyri útvarpsstøðir í Dan­mark, har nógvar støðir hava tað trup­ult í hesum døg­um. Men tá tey frætta um, hvussu støðan er í Før­oy­um, og at landsins stýri er størsta hótt­anin móti privatum út­varps­støð­um, tá øtast tey. Tey spyrja, um pol­it­iski mynd­ug­leik­in ver­u­liga ynsk­ir sær veikar fjøl­miðl­ar.

Tað vóna vit sjálvandi ikki, hó­ast okk­ara politikarar so væl og virði­liga liva upp til yvirskriftina hjá Vinn­u­húsinum um at mala í ring.

Vit ynskja okkum frælsi at reka frítt fjøl­miðla­virk­semi, sum ikki skal verða darv­að av pol­it­isk­ari upp­í­bland­an, og vit halda eisini, at land­ið hevur fortjent at frítt alment kring­varp, óheft av vinnuligum á­hug­a­mál­um. Tað hava vit ikki.
Public Service sáttmálin eig­ur at koma upp á pláss nú. Um ikki Kring­varpið sleppur kappingini um lýs­ing­ar­nar, so eiga aðrir miðlar at ger­ast partur av sáttmálanum og fáa part av kringvarpsskattinum.