ODDAGREIN: Ikki álit á politikarunum

Men tað eru meira við­merk­ing­ar­nar frá nevnd­ar­liminum enn lagn­an hjá upp­skot­i­num, sum er hug­tung­ur lesn­að­ur, tí tær prógva bara tað at­gerð­ar­loysi, sum valdar í pol­itisku skipanini viðvíkjandi miðl­u­num.

Bjarni Djurholm úr Fólka­flokk­i­num, Jóna Mortensen og Edva Jac­ob­sen úr Sam­bands­flokk­i­num siga, at tey eru ímóti at krevja kring­varps­gjald­ið inn um­vegis skatt­in, tí tey eru av teirri fatan, at tá priv­at­per­són­ar rinda ár­lig ella hálv­ár­lig gjøld fyri tæn­­ast­­ur, eru tey meira ti­l­­vit­að um tæn­­ast­­una.
Teirra grundgeving til ikki at broyta kring­varps­gjald­ið er alt­so, at brúk­ar­in kann betur fylgja við tá hann fær eina rokning. Um hetta er rætt, so er at gjøgn­um­føra hetta fyri sjúkrahús, skúlar og annað við.

Viðmerkingarnar hjá Jenis av Rana um kommunistiska in­dok­tri­ner­ing o. a. eru so óseriøsar, at tær lata vit liggja. Meira hugstoytt er síggja vinnu­lívs­mann­in Poul Mich­el­sen bein­leið­is mæla til, at hildið verð­ur fram við botn­ó­rætt­vísu kapp­ing­ar­av­lag­ing­ini – at Kring­varp­ið – sam­stund­is sum tað krevur skatt inn, skal fíggja sítt virksemi við at kapp­ast við priv­at­ar miðl­ar. Ein nýggj­ur li­be­ral­ur flokk­ur átti sjálv­sagt at havt kon­struk­tiv­ari tank­ar um markn­að­ar­bú­skap og al­ment virksemi.

Rigmor Dam og Gunvør Balle, sum um­boða upp­skots­still­ar­ar­nar, nema í viðmerkingum við um­støð­ur­nar hjá før­oysku fjøl­miðl­u­num sum heild og royna at lýsa týdn­ing­in av at hava fræls­ar fjøl­miðl­ar. Tær vísa eis­ini á, sum gott er, at hug­skot­ið um ein miðla­grunn, sum Ment­an­ar­grunn­ur­in skal um­sita, ikki er gott, og at lýs­ing­ar og spon­sor­er­ing­ar ikki hoyra heima í pub­lic ser­vice Kring­varp­i­num.

Enn einaferð kunnu vit stað­festa, at borg­ar­ligi part­ur­in av løg­ting­i­num ikki gong­ur inn fyri li­be­ral­um pol­i­tikki. Tey borg­arligu vilja ikki lata markn­að­ar­kreft­ir­nar ráða og virða ikki rættin hjá privatum fjølmiðl at virka frítt.

Tí er so lít­il vón fyri, at Kring­varp­ið kem­ur úr nagga­tódn­ini. Vilj­in er, at hesin mentanarstovnur skal fíggj­ast við lát­ur­lig­um spon­so­rer­ing­um og við at kapp­a­­st við priv­at­ar miðl­ar­nar um handilslýsingar.

Álit okkara á, at politiska skip­an­in fer at tryggja grund­ar­lag­ið hjá fjøl­miðl­u­num er ikki til stað­ar. Men vit vóna, at bjørnin í Ment­a­mál­a­ráð­num fyrr ella seinni vaknar – og sær ljós­ið.