Á aðalfundinum í 2012 samtykti at Johan Dahl, at setast skuldi ein nevnd, sum skuldi tilnevna uppskot til nýggjar nevndarlimir. Hendan samtykt varð mett so týdningarmikil, at hon varð fráboðað Børsinum, tí talan er um børsskrásett felag.
Tá nú størsti privati partaeigarin í hesi føroysku børsskrásettu fyritøku spyr landsstýrismannin, hví hann brýtur reglurnar, sum hann sjálvur hevur samtykt – og velur Niels Mortensen til formann – beint ímóti einmæltari innstilling, so fýsir landsstýrismaðurin bara arrogant at reglum og minnilutapartaeigarum, sum hava sett milliónir í felagið. Og nevndarformaðurin tykist ikki kenna viðtøkurnar og corporate governance, sum felagið hevur ásett sær sjálvum.
Tá fakta er, at Johan Dahl aktivt hevur verið úti og leitað fram Niels Mortensen nevndarformann – og harvið gjørt seg inn á leiðrelgurnar fyri nevndarval, sum hann sjávlur hevur samtykt, so eigur hann at greiða frá, hví hann hevur gjørt so.
Tá fyrsta uppgávan hjá nevndarformanninum var at koyra stjóran frá, so setir hetta valið hjá Johan Dahl enn fleiri spurningar, tí enn er eingin frágreiðing komin.
Vit kunnu eisini spyrja, hvussu nakar útlendskur íleggjari kann hava álit á eini føroyskari einskiljing, tá Føroya Landsstýri heldur so hánt um íleggjarar og avtalur, sum hann sjálvur hevur gjørt.
Til søguna hoyrir jú eisini, at landsstýrið – tá Atlantsflog varð sett á børsin – staðfesti, at hetta bert var fyrsti liður í eini einskiljingartilgongd.
At landsstýrið beinleiðis hevur lumpað og bóndafangað útlendskar og føroyskar íleggjarar er ringt í sjálvum sær. Men tað sum verri er, er at slíkur »mig-alene-vide-politikkur« skaðar føroysk áhugamál sera nógv – hetta er ein beinleiðis hóttan ímóti teimum, sum kanska kundu freistast til at sett pengar í føroyskar fyritøkur.
Ósvaraði spurningin er, hví Johan Dahl suspenderar allar mannagongdir, sum hann sjálvur hevur ásett og boðað børsinum fra?
Ítøkiliga hevur Johan Dahl lopið leiðreglur felgsins um – og verið persónliga úti og funnið nýggjan nevndarformann. Er tað tí, at hann uppfyllir persónligu krøvini hjá landsstýrismanninum?
