Vit ynskja honum hjartaliga tillukku og bestu eydnu í starvinum. Men vit fara samstundis at mæla honum til at gera nakrar broytingar í felagnum. Sum stjóri í tryggingarfelagnum hevur Regin Hammer sera stórt vald - ja, eins og stjórarnir í Eik Banka á sinni, so liggur í veruleikanum alt ov nógv vald hjá stjóranum.
Vit vístu á henda trupulleika á hesum stað fyri júst einum mánaði síðani, tá tað kom fram, at Tryggingarfelagið Føroyar var áhugað í at keypa Eik Banka. Vit síggja longu nú, at samansetingin í Eik Banka var ein skandala. Eik Grunnurin átti meirilutan í bankanum og harvið alt valdið. Hesum løgna grunni stjórnaði stjórn bankans, og tí kundi tað næstan bara endað galið.
Tað var Jørn Astrup Hansen, sum segði, at var ein vanlukka, at Sparikassar sluppu at broyta seg til bankar, uttan at bygnaðurin kring felagið varð broyttur. Tí at tað gav leiðsluni sjálvari alt ov víðar heimildir, tí tað í veruleikanum var leiðslan, sum stýrdi nevndini - og ikki øvugt.
Tryggingarfelagið er ikki ólíkt Eik Grunninum. Tað ljóðar so pent, at øll, sum hava tryggingar hjá felagnum, eiga felagið. Nevndin í Tryggingarfelagnum er vald av umboðsráðnum, sum er eitt stórt og tungt apparat, sum neyvan flytir nakað sum helst. Sum ein gomul kommunistisk leivd, ið verður samantvinnað við eina modernaða marknaðardrivna fyritøku.
Uppstillingin til umboðsráðið er torgreið og margháttlig, og mannagongdin, hvussu atkvøðuseðlar verða býttir út er beinleiðis ódemokratisk, har tað valevnið, ið megnar at fáa tryggingarfelagið at senda flestar atkvøðuseðlar út, hevur besta kjansin. Bara tað at felagið ikki sendir øllum tryggingartakarum atkvøðuseðlar er misteinkiligt - er tað veruliga so, at leiðsla, nevnd og umboðsráð í tryggingarfelagnum ikki vilja hava, at øll skulu atkvøða?
Fyri at sleppa undan misteinkiliggering, so eigur nýggja leiðslan alt fyri eitt at fáa gjøgnumskygni í felagið - skipið næsta umboðsráðsval á vanligan demokratisk hátt!
Og skal TF Holding keypa Eik - kanska saman við landsstýrinum, so skal hetta sjálvandi vera eitt krav, at tryggingarfelagið verður umskipað soleiðis, at tað lýkur tær organisatorisku reglur, sum galda fyri eina sunna fyritøku á privata marknaðinum.»Absolutt, ja!«
So greiður var nýggi stjórin í tryggingarrisanum, Tryggingarfelagnum Føroyar, tá útvarpið fríggjadagin spurdi hann, um tryggingarfelagið framvegis er áhugað í at keypa Eik Banka.
Regin Hammer eitur nýggi stjórin í stóra sínamillum tryggingarfelagnum. Vit ynskja honum hjartaliga tillukku og bestu eydnu í starvinum. Men vit fara samstundis at mæla honum til at gera nakrar broytingar í felagnum. Sum stjóri í tryggingarfelagnum hevur Regin Hammer sera stórt vald - ja, eins og stjórarnir í Eik Banka á sinni, so liggur í veruleikanum alt ov nógv vald hjá stjóranum.
Vit vístu á henda trupulleika á hesum stað fyri júst einum mánaði síðani, tá tað kom fram, at Tryggingarfelagið Føroyar var áhugað í at keypa Eik Banka. Vit síggja longu nú, at samansetingin í Eik Banka var ein skandala. Eik Grunnurin átti meirilutan í bankanum og harvið alt valdið. Hesum løgna grunni stjórnaði stjórn bankans, og tí kundi tað næstan bara endað galið.
Tað var Jørn Astrup Hansen, sum segði, at var ein vanlukka, at Sparikassar sluppu at broyta seg til bankar, uttan at bygnaðurin kring felagið varð broyttur. Tí at tað gav leiðsluni sjálvari alt ov víðar heimildir, tí tað í veruleikanum var leiðslan, sum stýrdi nevndini - og ikki øvugt.
Tryggingarfelagið er ikki ólíkt Eik Grunninum. Tað ljóðar so pent, at øll, sum hava tryggingar hjá felagnum, eiga felagið. Nevndin í Tryggingarfelagnum er vald av umboðsráðnum, sum er eitt stórt og tungt apparat, sum neyvan flytir nakað sum helst. Sum ein gomul kommunistisk leivd, ið verður samantvinnað við eina modernaða marknaðardrivna fyritøku.
Uppstillingin til umboðsráðið er torgreið og margháttlig, og mannagongdin, hvussu atkvøðuseðlar verða býttir út er beinleiðis ódemokratisk, har tað valevnið, ið megnar at fáa tryggingarfelagið at senda flestar atkvøðuseðlar út, hevur besta kjansin. Bara tað at felagið ikki sendir øllum tryggingartakarum atkvøðuseðlar er misteinkiligt - er tað veruliga so, at leiðsla, nevnd og umboðsráð í tryggingarfelagnum ikki vilja hava, at øll skulu atkvøða?
Fyri at sleppa undan misteinkiliggering, so eigur nýggja leiðslan alt fyri eitt at fáa gjøgnumskygni í felagið - skipið næsta umboðsráðsval á vanligan demokratisk hátt!
Og skal TF Holding keypa Eik - kanska saman við landsstýrinum, so skal hetta sjálvandi vera eitt krav, at tryggingarfelagið verður umskipað soleiðis, at tað lýkur tær organisatorisku reglur, sum galda fyri eina sunna fyritøku á privata marknaðinum.
