ODDAGREIN: Advokatar duga við pengum

Men aðrar stættir í samfelagnum eru eis­ini, sum kunnu skriva rokn­ing­ar, sum teimum lystir.

Herfyri vístu vit her á síðuni á, hvussu advokatur í skattamálinum mill­um gøtumenn og Taks smurdi sær knív­in við milliónarokning til skatt­a­valdið.

Í dag skal løgtingið gera av, um játt­aðir verða eyka pengar til eyka út­reiðsl­ur, sum Taks hev­ur fing­ið av at føra eitt rætt­ar­mál móti gøtu­monn­um – eitt rætt­ar­mál, sum Taks tapti.
Vit kunnu halda um hetta rætt­ar­mál, tað vit vilja. Rætturin hevur tal­að, og Taks tapti málið, sum snúði seg um, at Taks metti tað sum kamu­fler­að vinn­ings­býti, tá parta­eig­ar­ar í P/F Vinn­uni í Gøtu seldu eg­in parta­brøv við stórum vinn­ingi.

Taks á­setti skatt­in til góð­ar 53 mill­i­ón­ir, sum parta­eig­ar­ar­nir valdu at gjalda, sam­stund­is sum teir stevndu Taks eft­ir peng­u­num.

Og at hetta var ein góð íløga fyri part­a­eig­ar­ar­nar at gjalda skatt­in og stevna og vinna skuldi vísa seg, tí rentan, teir fáa er 15,5 mill­i­ón­ir krón­ur.

Vit kunnu siga, at Taks átti at kent sín­ar egnu regl­ur, so ein slík stevn­ing átti at ver­ið ó­neyð­ug. Pol­i­tik­ar­ar­nir – og ráð­gev­ar­ar teirra – hava valt at gera skatta­regl­ur­nar so »fløkt­ar«, at slík­ur parta­bræva­hand­il er púra lóg­lig­ur. Tað vistu pol­i­t­ik­arar, sum vórðu ávaraðir – men kort­ini valdu at at samtykkja lóg­ar­upp­skotið á sinni. Tað vistu eisini ráð­gev­ar­nir hjá politikarunum, sum so­leiðis eisini hava ráð­givið hundrað­tals milliónir úr part­a­fel­øg­­um í privatar lummar.

Men tað er ikki nóg mikið við tí, at parta­eig­ar­ar­nir hava gjørt eina góða í­løgu, tí slíkt rætt­ar­mál er sann­i­liga gott fyri ad­v­ok­at­stætt­ina eis­ini, sum al­tíð megn­ar at gera sær dælt, um tað so gongur illa, ella um tað gong­ur væl, so vinnur ad­vo­kat­ur­in altíð.

Og báðir advokatarnir vinna í hes­um máli. Advokatar hjá parta­eig­ar­u­num fáa 3,5 mill­i­ón­ir krón­ur, með­an advokaturin hjá Taks – altso advokaturin, sum tapti málið – fær 2,5 mill­i­ónir.

Tað er okkurt, sum ikki ruggar rætt í okk­ara rætt­ar­sam­fel­ag, tá eitt slíkt mál skal geva út­við sjey milli­ón­ir krón­ur í ad­vo­kat­rokn­ing­um, tí at Taks ger eina roynd at fáa skatta­krón­ur í kass­an. Og hvussu ber tað til, at man kann tjena so nógv­ar mill­i­ónir fyri at tapa eitt mál fyri Taks?

Ei undur í, at ein ein almenn út­­reiðsla upp á 53 milliónir endar upp­i á 75 mill­­ión­um.