Stutt eftir middag í dag kom ferðafólkaskipið Ocean Endavour á Vág. Og ferðafólkini fara í dag at uppliva ymiskt í Vági, har tey hava fleiri ymiskar túrarar at velja í.
Men fyrst sluppu tey at royna seg í føroyskum dansi, ið Jómsvíkingar, og onnur dansiáhugað, skipaðu fyri.
Talan er um 175 ferðafólk, umframt manningina sum telur 120, har størsti parturin kemur úr Kanada.
Vitjanin hjá ferðafólkaskipinum í Vági er skipað eftir nýggja leistinum hjá Vágs Kommunu til ferðafólkaskip, har dentur er lagdur á burðardygd til frama fyri lokaløkið. Leisturin leggur eisini upp til, at vitjanin hjá ferðafólkunum gerst enn meira minnisrík.
Ferðafólkini koma úr fleiri ymiskum londum. Skipið hevur áður vitjað í Vági, seinast fyri 5 árum síðani.
Ocean Endeavour er bygt í 1982 og er 137 metrar langt og 21 metrar breitt. Skipið kom frá Kirkwell og fer víðari til Havnar í kvøld.
##med2##
##med3##
##med4##
##med5##
##med6##
##med7##
Myndir: Niels Jacob Eysturberg/Dagfinn Olsen
