Staturin Ohio verður mettur sum ein tann týdningarmesti í amerikanska forsetavalstríðnum, og nú vísir ein nýggj meiningakanning, at Barack Obama er seks prosentstig framman fyri Mitt Romney har.
Ohio er ein av teimum sokallaðu sveigstatunum, og tann, sum vinnur har, fær 18 valmenn, og tí hevur staturin stóran týdning fyri úrslitið.
Ein annar sera týðandi statur er Florida, sum hevur 29 valmenn, og sambært einari tilsvarandi kanning, sum NBC News og Wall Street Journal hava gjørt har, er Obama eisini á odda í Florida, hóast munurin er lítil. Kanningin gevur honum 49 prosent og Romney 47 posent.
Tað eru 538 valmenn tilsamans, og tað valevnið, sum fær 270 ella fleiri, vinnur valið.
