Ætlanin hjá tveimum ungum nýnazistum at beina fyri Barrack Obama fær ikki tað demokratiska forsetavalevnið at broyta valstríðið. Tvørturímóti ætlar hann sær at halda fram við valstríðnum sum ætlað.
Í gjár vildi Barrack Obama ikki gera nakrar viðmerkingar til, at løgreglan hevði avdúkað drápsætlanirnar, men aftan á ein veljarafund í býnum Pittaburgh í nátt eydnaðist tað einum tíðindamanni hjá sjónvarpinum KDKA at spyrja Obama, um hann kendi seg ótryggan.
-Eg havi tey bestu trygdarfólkini í heiminum. Secret Service, svaraði Barrack Obama og legði afturat:
-Hetta er ikki tað, sum Amerika stendur fyri. Tað er ikki hetta, sum er okkara framtíð.
