Barack Obama, forseti, ætlar sær ikki at seta seg afturá, nú hann loksins fekk meiriluta fyri heilsutryggingini. Longu dagin eftir ta søguligu samtyktina í Umboðsmannatinginum boðaði forsetin frá, at hansara næsta átak verður at fáa betri eftirlit við teimum amerikonsku fíggingarstovnunum.
Millum annað skal eftirlitið tryggja, at tann vanligi amerikanarin skal ikki rinda fyri skilaleysar avgerðir hjá bankum og øðrum fíggingarstovnum.
Samstundis skal mark setast fyri, hvussu stóra ávirkan ein banki kann hava.
