Í gjár var samkoma í Bispagarðinum og har varð handritið til nýggju týðingina av Nýggja Testmenti formliga handað Føroyska Bíbliufelagnum.
Tað er Hans J. Joensen, biskupur, sum hevur týtt Nýggja Testamenti úr grikskum, sum Nýggja Testamenti varð skrivað á, saman við Kjartan Mørkøre, Jens Vilhelm Danielsen og Dánial á Dul Jacobsen.
Arbeitt hevur verið við hesum í mong ár, og nú eru so formligu viðurskiftini fingin upp á pláss og Bíbliufelagið fer nú at gera handritið klárt til royndarútgávu.
Bíbliufelagið hevur annars aðalfund klokkan 19.30 í morgin í Hoyvíkar kirkju. Á fundinum fer gestarøðarin, Morten Thomsen Højsgaard, aðalskrivari hjá danska Bíbliufelagnum, at greiða frá virkseminum í hesum felagnum.
Frá vinstru á myndini eru tað Hans J. Joensen, Dánial á Dul Jacobsen, Kjartan Mørkøre og Jens Vilhelm Danielsen.
|
