Klokkan 14 verður fyrsta bríksl inni í Vika á Argjum. AB fær vitjan av EB/Streymi, og tað er kappingin um at sleppa undan niðurflyting, sum stendur upp á spæl.
EB/Streymur er á áttanda plássi við 13 stigum, og AB er aftast við 10 stigum.
Higartil í ár hevur AB verið nógv darvað at skaðum. Í dag eru allir spælararnir tøkir. Tá ið AB tapti 5-0 í Gundadali ímóti HB var Ramzi Toure Idrissou leikbannaður, Rógvi Skála var vøddaskaddur, og liðformaðurin Jákup Pauli Breckmann var ikki við, tí hann var skaddur í lærkrikanum.
EB/Streymur hevur ikki spælt í landskappingini síðani ólavsøkuumfarið, tá ið tað endaði við 3-1 tapi í Sørvági. Heimadysturin ímóti KÍ varð fyri viku síðani útsettur. Heilt stóri trupulleikin hjá EB/Streymi er, at báðir málverjarnir – Jóannes Davidsen og Fayo Kruse – eru skaddir. Í Sørvági vardi Símun Rógvi Hansen málið. Hann var leigaður frá NSÍ.
EB/Streymur arbeiðir við at finna nýggjan málverja tað, sum er eftir av hesum árinum, men enn er tað ikki eydnast. Í dag verður tað eykamálverjin hjá 07 Vestur, Steven Van Dijk, sum fer at verja málið. Talan er um 26 ára gamlan hollendskan málverja. Hann vardi málið, tá ið 07 Vestur 9. mai vann 2-1 á Argjum. Tað var í kappingini um løgmanssteypið. Annars hevur hann var 07 Vestur málið í sjey dystum í 2. deild. Tóki H. Johannesen er langtíðarskaddur.
AB – EB/Streymur: Rúni Olsen kl. 14.00
| KÍ | 17 | 16 | 0 | 1 | 45 | 10 | 48 |
| HB | 17 | 12 | 2 | 3 | 42 | 10 | 38 |
| B36 | 17 | 12 | 1 | 4 | 36 | 17 | 37 |
| Víkingur | 18 | 10 | 3 | 5 | 39 | 19 | 33 |
| 07 Vestur | 17 | 8 | 2 | 7 | 29 | 27 | 26 |
| TB | 17 | 4 | 3 | 10 | 12 | 37 | 15 |
| B68 | 17 | 3 | 5 | 9 | 17 | 31 | 14 |
| EB/Streymur | 16 | 4 | 1 | 11 | 12 | 31 | 13 |
| ÍF | 17 | 4 | 0 | 13 | 15 | 40 | 12 |
| AB | 17 | 3 | 1 | 13 | 12 | 37 | 10 |
Fríggjakvøldið
Víkingur – KÍ 2-1 (2-0)
1-0: Olaf Bárðarson 11.
2-0: Poul Kallsberg 15.
2-1: Páll A. Klettskarð 75.
Dómari: Eiler Rasmussen
Víkingur: Bárður á Reynatrøð – Signar á Brúnni, Atli Gregersen, Arnbjørn Svensson, Ingi Jonhardsson – Aron Jarnskor Ellingsgaaard, Géza Dávid Turi – Poul Kallsberg, Sølvi Vatnhamar, Olaf Bárðarson (Jákup Johansen, 68.) – Finnur Justinussen (Martin Klein Joensen, 82.)
Gult kort: Olaf Bárðarson, Aron Jarnskor Ellingsgaard, Géza Dávid Turi, Atli Gregersen
Venjari: Jóhan Petur Poulsen
KÍ: Markus Olsen Pettersen – Odmar Færø, Børge Petersen (Páll A. Klettskarð, 46.), Vegard Forren – Claes Philip Kronberg (Símun Kalsø, 68.), Óli Eyðsteinsson Poulsen (Issah Ahmed Latif, 46.), Mads Bo Mikkelsen (Jóannes K. Danielsen, 88.), Luc Kassi – Árni Frederiksberg (Jonn Johannesen, 68.), Sivert Gusiås, Patrick da Silva
Gult kort: Óli Eyðsteinsson Poulsen, Mads Bo Mikkelsen
Venjari: Magne Hoseth
Sunnudagin 13. august
ÍF – HB: Dagfinn Forná kl. 15.00
B68 – 07 Vestur: Jónfinn Olsen kl. 16.00
B36 – TB: Jákup Øssursson Mohr kl. 15.00
