33 ára gamli Atli Gregersen hevur skrivað undir nýggjan sáttmála við Víking. Atli telist millum teir heilt royndu spælararnar hjá felagnum, og í skrivandi løtu hevur hann spælt 275 dystir fyri felagið. Hann hevur skotið 18 mál í hesum dystum, og eisini hevur hann spælt 28 landsdystir.
- Víkingur fegnast um, at Atli Gregersen hevur longt sáttmálan, og er tað við til at skapa ein javnvág í víðari menningini av Víkingi. Atli er ein ambassadørur fyri felagið, úteftir, men so sanniliga eisini inni í felagnum, skrivar felagið á heimasíðu sínari.
