Vanliga kenna vit Ólav á Váli Olsen og Herborg Torkilsdóttir sum tveir einstaklingar, ella trubadurar, ið hava spælt nógvar konsertir kring landið undir egnum navni.
Men seinasta hálva árið hava hesi bæði verið at sæð á palli saman - og nú hava tey givið ein sang út um tveir trubadurar, sum hava funnið saman í eina duett.
Sangurin kallast "Syngja í dur", og tað er Herborg, ið hevur skrivað tekstin og lagið.
– Eg skrivaði hetta lagið, aftaná at hava upptraðkað við Ólavi. Har mátti bara koma ein duett. Hann syngur sum ein dreymur, skrivar Herborg Torkilsdóttir á Facebook.
Teimum dámar væl at spæla tónleik saman, fortelur Ólavur.
– Herborg er ein fantastisk songkvinna, sum er fitt og mega festlig at arbeiða saman við. Eri glaður um møguleikan at sleppa at syngja og upptraðka saman við henni, sigur Ólavur á Váli Olsen.
Hoyr spildurnýggja lagið hjá nýggju duettini her:
##med2##
Danny Beck úr Englandi hevur framleitt.
