Fyri lítlari løtu síðani fór nýggja Airbus 320 flogfarið hjá Atlantsflog av flogvøllinum hjá Airbusverksmiðjuni í Hamburg við kós beinleiðis ímóti Føroyum.
Við í nýggja flogfarinum eru eitt ferðalag við umleið 100 fólkum við nevnd og leiðslu í Atlantsflog og Poul Michelsen, landsstýrismanni í vinnumálum, á odda. Við í ferðalagnum eru eisini fleiri føroyskir fjølmiðlar bodnir við.
Ferðalagið kom til Hamburg um middagsleitið, og seinnapartin hevur rundvísing verið á Airbusverksmiðjuni, har gestirnir hava sæð, hvussu eitt Airbus 320 flogfar verður framleitt.
Flogferðin heim tekur tveir tímar.
