Nú er eitt ár liðið, síðan vatnmyllan hjá Kvívíkar kommunu varð tikin í nýtslu, og dagstovnurin Áarlon hevur frá byrjan verið hitað við orku frá vatnmylluni.
- Oljunýtslan í Áarlon hevur seinasta árið verið umleið tveir triðingar minni enn undanfarin ár. Oljunýtslan, sum hevur verið, kemst av, at myllan ikki koyrdi optimalt seinasta vetur, tí lítið vatni var í ánni, og frost órógvaði.
Tað siga tey í Kvívíkar kommunu.
Ætlanin hevur alla tíðina verið at fingið vatnmylluna knýtta til skúlan, sum eisini hevur svimjihyl, og hin 4. oktober varð skúlin so eisini knýttur til vatnmylluna.
- Tískil hevur skúlin nú eisini verið hitaður við grønari orku í ein mánaða. Hetta hevur eydnast væl, og skúlin hevur onga olju brúkt henda mánaðin, siga tey í Kvívíkar kommunu.
Vatnorkuætlanin er slóðbrótandi í Føroyum.
##med2##
- Vatnorkuætlanin hjá okkum er at hita kommunalar bygningar í Kvívík við verkinum, samstundis sum árinini á náttúruna eru heilt lítil.
Lagt verður aftrat, at arbeiðið at knýta Breiðá upp í verkætlanina er í gongd og væntast at verða liðugt fyrst í komandi ári.
Tá hetta arbeiðið er liðugt, hevur Kvívíkar kommuna tvífaldað vatntøkuna, so orkuverkið kann verða enn meira støðugt.
- Um vit kundu gagnnýtt alla orkuna, sum vatnverkið veitir, hevði Kvívíkar kommuna sum hin fyrsta í landinum rokkið málinum um null útlát, verður sagt úr Kvívík.
##med3##
