Stóri spurningurin í kvøld er, hvussu tað nú verður við hondbóltslandsliðnum, hvør næsta uppgávan verður, og hvat skal til fyri at røkka í HM endaspælið, sum verður um eitt ár í Póllandi og Svøríki. Tann kappingin verður um akkurát eitt ár. Fyrstu dystirnir vera 12. januar, og finalan er sett at vera 29. januar.
Við 26 – 19 sigri ímóti Lettlandi tryggjaðu Føroyar sær í kvøld rætt at halda fram í kvalifikatiónini fram ímóti HM endaspælinum. Men vegurin er framvegis bæði langur og trongur.
Enn er ikki greitt, hvørjum Føroyar skulu spæla ímóti í næsta umfari. Men tað er greitt, at talan verður um heimadyst og útidyst ímóti einari aðrari europeiskari hondbóltstjóð, og at dystirnir verða spældir í viku 11, sum er frá 13. til 20. mars.
Um tað aftur tá eydnast Føroyum at spæla seg víðari í kappingini, so bíðar eitt umfar aftrat. Tá verður mótstøðuliðið eitt av teimum, sum í løtuni er upptikið í EM endaspælinum í Ungarn og Slovakia.
Føroyar | 3 | 79 | 76 | 4 |
Italia | 3 | 91 | 78 | 4 |
Luksemborg | 3 | 89 | 85 | 3 |
Lettland | 3 | 72 | 92 | 1 |
Føroyar og Italia halda fram í HM undankappingini