Ástøðiliga er ein evarska lítil møguleiki fyri, at tað ikki verður veruleiki, og fuglfirðingarnir, sum í kvøld hava eydnuhjól fyri felagið, kanna sær ikki bitan, áðrenn hann er svølgdur.
Men nú vendist ikki aftur: Steðgurin hjá ÍF í næstbestu deildini á hesum sinni verður bara eitt ár. Í fjør fluttu fuglfirðingar niður úr bestu deildini, og nú er tað mest sum avgjørt, at ÍF í 2023 aftur verður í bestu deildini.
Sambært skránni skuldi ÍF í dag hitta næstbesta liðið hjá 07 Vestur heima í Fløtugerði, men vágamenn megnaðu ikki at manna lið. Sambært dystir.fo er dysturin útsettur, men ÍF formaðurin Georges Rouah sigur, at 07 Vestur møtti ikki til dystin, sum ÍF harvið hevur vunnið 3-0 uttan at spæla.
Tað er langt síðani greitt, at 07 Vestur er flutt niður úr 1. deild. Samlaða úrtøkan hjá ÍF er nú 52 stig. ÍF er topplið í næstbestu deildini, og nú tað resta trý umfør eru tað 9 stig aftur til B71, sum er á fjórða plássi. Málmunurin hjá ÍF er +21. Á øðrum plássi er TB við 51 stigum, næstbesta liðið hjá Víkingi er á triðja plássi við 46 stigum, og B71 er á fjórða plássi við 43 stigum. Málmunurin hjá B71 er +21.
Í trimum teimum síðstu umførunum er skráin hjá ÍF tríggjar teir næstu leygardagarnar: Undrið FF (h), TB (ú) og B71 (h).
-
ÍF | 24 | 16 | 4 | 3 | 52 | 31 | 52 |
TB | 24 | 16 | 3 | 5 | 67 | 35 | 51 |
Víkingur | 24 | 14 | 4 | 6 | 71 | 39 | 46 |
B71 | 24 | 13 | 4 | 7 | 50 | 29 | 43 |
KÍ | 24 | 13 | 1 | 10 | 56 | 40 | 40 |
Undrið FF | 24 | 12 | 3 | 9 | 43 | 35 | 39 |
HB | 24 | 9 | 3 | 12 | 41 | 52 | 30 |
B36 | 24 | 6 | 6 | 12 | 40 | 52 | 24 |
NSÍ | 24 | 3 | 6 | 15 | 29 | 81 | 15 |
07 Vestur | 24 | 0 | 2 | 22 | 20 | 75 | 2 |