Ungarn skal nú taka støðu til, um landið stuðlar svenskum limaskapi í Nato, og støðan skal takast fyri 7. juli.
Tað vísir sambært tíðindastovuni NTB eitt skjal úr tjóðartinginum.
Hin 7. juli er bara nakrar dagar fyri, at Nato-toppfundurin byrjar í Vilnius, høvuðsstaðnum í Litava, hin 11. juli.
Ungarn hevur saman við Turkalandi lagt seg í buktina um svenskan Nato-limaskap.
Ungarn og Turkaland vóru eisini tey seinastu Nato-londini, sum tóku undir við, at Finnland gjørdist limur í verjusamgonguni.
Øll 31 Nato-londini skulu vera samd um møgulig nýggj limalond, og her er Finnland nú Nato-limaland nummar 31.
