Alt bendir á, at fyrrverandi býráðslimurin í Havn, Levi Mørk, í næstum skal møta í Føroya Rætti.
Tað er nakað síðani, at tað kom fram, at Tórshavnar Kommuna hevði meldað fyrrverandi býráðslimin til løgregluna.
Levi Mørk bleiv meldaður, tí kommunan metti, at okkurt illgrunasamt var farið fram í fíggjarviðurskiftunum í Klubb 188, sum er ein ungdómsklubbur, ið Levi Mørk var leiðari fyri. Løgreglan hevur síðani kannað málið, sum síðani er sent til ákæruvaldið.
Linda Hesselberg, ákæri, sigur, at málið liggur hjá henni at meta um, men at eitt til eitt ákærurit er gjørt, men at tað ikki er endliga góðkent enn. Hon væntar tó, at hetta verður avgreitt í næstum.
