Eitt lágtrýst yvir Norðhavinum grynnist. Mánanáttina kemur eitt lágtrýst inn yvir Føroyar av suðri og frá týsdegnum blæsa kaldir vindar oman yvir Føroyar av norðri.
Í dag verður fleyr til gul av ymsum ættum, undir 5 m/s, seinnapartin gul til andøvsgul av eystri og landsynningi, 5 til 10 m/s. Turt fyri tað mesta og onkur sólglotti, men út á dagin dregur saman um. Hitin millum 5 og 8 stig. Um kvøldið øtlar hann vindin enn meiri upp í strúk í vindi upp í skrið, 13 til 18 m/s, men mánanáttina makar hann vindin niður í andøvsgul upp í ein strúk og snarar í ein sunnan og útsynning, 8 til 13 m/s. Skýggjað og regn av útsynningi og hitin millum 5 og 8 stig.
Mánadagin verður andøvsgul upp í ein strúk av suðri, 8 til 13 m/s, sum seinnapartin snarar í ein eystan og landnyrðing og verður gul til stívt andøvsgul, 5 til 10 m/s. Fyrst regn, men seinni klárar í og sólglottar og yvirhøvur turt. Hitin millum 5 og 8 stig. Um kvøldið gul til stívt andøvsgul av norðri og landnyrðingi, 5 til 10 m/s, sum um náttina snarar í ein útnyrðing og makar niður í lot til andøvsgul, 3 til 8 m/s. Skýggjað fyri tað mesta og ælaveður og hitin millum 4 og 8 stig.
Týsdagin verður lot til andøvsgul av útnyrðingi, 3 til 8 m/s, sum spakuliga øtlar upp í andøvsgul upp í ein strúk av norðri, 8 til 13 m/s. Samdrigið og ælaveður, møguliga heglingur, og hitin millum 4 og 8 stig.
Mikudagin verður andøvsgul upp í ein strúk av norðri og landnyrðingi, 8 til 13 m/s. Samdrigið og okkurt æli, lutvíst við vátaslettingi ella heglingi, og hitin millum 2 og 6 stig.
Hósdagin verður andøvsgul upp í ein strúk av norðri, 8 til 13 m/s. Samdrigið og okkurt æli, lutvíst við vátaslettingi ella kava, og hitin millum frostmarkið og fimm stig, í støðum beint undir frostmarkið.
Fríggjadagin verður andøvsgul upp í ein strúk av vindi av norðri, 8 til 13 m/s, sum makar niður í lot til andøvsgul og snarar í ein útnyrðing, 3 til 8 m/s. Samdrigið og regn, vátaslettingur og kavi, og hitin millum trý kuldastig og trý hitastig.
