Aftur í ár hava sjómanskvinnuringarnir syrgt fyri jólagávum til sjófólk. Hesar síðstu tveir mánaðirnar hava tilsamans 1.172 sjófólk fingið jólapakkar frá Føroysku Sjómansmissiónini.
Tað eru sjómanskvinnuringarnir og onnur kring landið, sum á hvørjum ári syrgja fyri jólagávum til sjófólk.
Nú allir pakkarnir eru bornir út og tilsamans hava 109 skip fingið pakkar.
Hesi 109 skipini eru 71 fiskiskip, 20 skip í frálandavinnuni, 14 farmaskip og 4 onnur skip.
Og tilsamans er talan um 1.172 sjófólk, sum eru við hesum skipum og sum sostatt hava fingið okkurt at pakka upp jólaaftan
Á myndini er tað Kurashov Sergiy, skipari á farmaskipinum, Silver Fjord, vm, sum fær pakkar til manningina frá Torleifi Johannesen frá Sjómansmissiónini.
|
