Fíggjarmálaráðið og Kommunala Arbeiðsgevararfelagið hava í nú skrivað undir semju við Starvsfelagið, um ein trý ára sáttmála, galdandi frá 1. oktober 2021 til 1. oktober 2024.
Partarnir hava samráðst í alt heyst, men nakað fyri jól varð semingsmaðurin boðsendur. Korona hevur tarnað semingsroyndunum, men fyrr í vikuni varð lagt til brots. Í gjár løgdu semingsmenninir so semingsuppskot fyri partarnar og tað hava allir partar góðtikið. Sostatt varð nýggjur sáttmáli skrivaður undir fyri eini løtu síðanil
Eftir semjuni hækka lønirnar soleiðis:
- Tann 1. januar 2022 hækka lønirnar 1,25 %.
- Tann 1. oktober 2022 hækka lønirnar á lønarstigunum 1-20, 740 krónur og á lønarstigunum 20-50 hækka lønirnar 540 krónur.
- Tann 1. oktober 2023 hækka lønirnar 2,75 %.
Hetta svarar til ein samlaðan lønarkarm upp á 6,2 % í hesum trý ára skeiðnum.
Umframt lønarbroytingarnar eru ymiskar broytingar gjørdar í sáttmálunum millum ávikavist Fíggjarmálaráðið og Starvsfelagið og Kommunala Arbeiðsgevararfelagið og Starvsfelagið.