Tveir teir síðstu dystirnir í fjórða umfari í FA Cup vóru á skránni sunnudagin. Favorittarnir í Chelsea áttu heimavøll í grannauppgerðini ímóti Stoke. Heimaliðið vann 1-0. Miðskeiðis í 1. hálvleiki skoraði Oscar sigursmálið.
Uppgerðin millum Sheffield United og Fulham endaði 1-1, og tísil verður neyðugt at spæla umafrtur fyri at finna vinnaran, sum skal halda fram í 5. umfari.
Tá ið lutur í kvøld varð drigin, fall tað soleiðis, at í tveimum av dystunum bresta fýra tey fremstu í landskappingini saman. Toppliðið Arsenal fær vitjan av Liverpool, sum er á fjórða plássi, og Manchester City fær vitjan av Chelsea. Hesi bæði liðini eru á triðja og øðrum plássi.
Áttanda parta finalurnar eru ásettar at vera 14., 15. og 16. Februar.
Liðini hittast soleiðis:
Manchester City-Chelsea
Sheffield United/Fulham-Nottingham Forest/Preston
Arsenal-Liverpool
Brighton-Hull
Cardiff-Wigan
Sheffield Wednesday-Charlton
Sunderland-Southampton
Everton-Swansea
