Eins og in.fo skrivaði fyri góðari viku, so bendi alt á at B71 málverjin, Símun Rógvi Hansen, fór at skifta til NSÍ til komandi kappingarár.
Og í dag váttar NSÍ tíðindini.
NSÍ skrivar:
Símun Rógvi Hansen og NSÍ hava skrivað undir 1-ára sáttmála, og sostatt spælir B71-málverjin við NSÍ næsta ár.
28-ára gamli málverjin hevur spælt 133 dystir í effo-deildini. Símun Rógvi er uppvaksin í B71 , og hartil hevur hann umboðað HB og AB. Hann hevur verið úttikin til A-landsliðið, men enn eigur hann fyrsta dystin tilgóðar á landsliðnum.
Símun Rógvi er ógvuliga spentur uppá at spæla fyri NSÍ, og hartil gleðir hann seg eisini til at spæla í Europa League.
