Nú er tað greitt, hvørji liðini eru, sum skulu spæla hálvfinalu í fótbóltskappingini, sum í góðveðrinum seinnapartin er í Gundadali. NSÍ og ÍF hittast í aðru hálvfinaluni, og í hinari spæla HB og Víkingur.
Merkisvert var tað, at einki mál varð skorað í bólkinum, har KÍ, Skála og HB spældu. Tí var neyðugt við lutakasti fyri at finna útav, hvat av liðunum skuldi halda fram í kappingini. HB vann lutakastið, Skála var nummar tvey og KÍ nummar trý. Bara HB heldur fram úr hesum bólkinum.
Meistararnir í B36 eru varpaðir úr kappingini. B36 tapti í fyrsta umfari 1-0 ímóti ÍF, og í triðja umfari tapti B36 1-0 ímóti Víkingi. Hesaferð var tað ein av nýggju spælarunum, Jobin Drangastein, sum var málskjútti hjá Víkingi.
Sigurin ber við sær, at Víkingur heldur fram í kappingini saman við ÍF.
NSÍ vann trivaligan 4-0 sigur á TB. Tað ber við sær, at NSÍ verður einasta liðið, sum heldur fram í bólkinum, har AB eisini var við.
Hálvfinalurnar
NSÍ-ÍF
HB-Víkingur
Ovari vøllur: ( leiktíð er 30 min.)
Kl.14.00 AB – NSÍ 0-0
Kl.14.45 AB – TB 0-0
Kl.15.30 NSÍ – TB 4-0
Niðari vøllur: ( leiktíð er 30 min.)
Kl.14.00 ÍF - B36 1-0
Kl.14.45 ÍF – Víkingur 1-1
Kl.15.30 B36 – Víkingur 0-1
Tórsvøllur: (leiktíðin er 30 min)
14.00 HB – KÍ 0-0
14.45 HB – Skála 0-0
15.30 KÍ – Skála 0-0
Hálvfinalur
16.15 NSÍ-ÍF
17.00 HB-Víkingur
kl. 17.45 FINALA á Tórsvølli
