Christian Høgni Jacobsen legði heimaliðið á odda stutt undan steðginum. Men bara minuttin seinni javnaði Tróndur Sigurðsson fyri argjamenn.
NSÍ trýsti støðugt í seinna hálvleiki, og tað gav úrslit, tá umfarið var hálvrunnið. Jens Joensen var fyrstur á bóltinum aftaná hornaspark, og við høvdinum stýrdi hann bóltin í málið.
NSÍ er ovast í Vodafonedeildini aftaná 24 dystir. Runavíkingar eru ájavnir í stigum við HB, men NSÍ hevur betri úrtøku enn verandi føroyameistararnir. Liðini hava 45 stig. EB/Streymur er nummar trý við 42 stigum.
NSÍ ? AB 2-1 (1-1)
1-0: Christian Høgni Jacobsen
1-1: Tróndur Sigurðsson
2-1: Jens Joensen
