Eingin ivi var, tá ið oddaliðið HB so rudduliga vann fulla úrtøku í Fuglafirði, har ÍF leingi hevði lítið at bjóða uppá.
NSÍ vann sera fínan sigur í Gundadali, har Sam Malsom eftir lítlari løtu í 1. hálvleiki legði B36 framum við tveimum málum.
Í 2. hálvleiki megnaði NSÍ við framúr avriki at venda hóttandi tapinum til 3-2 sigur.
B68 var leikliga omaná í Gøtu, men úrslitið var 3-3. Toftamenn munnu iðra seg, hóast tað eydnaðist Øssuri Hansen hjá B68 at javna við framúr frísparki, tá ið tað restaðu tveir minuttir.
B68 misnýtti fleiri møguleikar í síðstu løtu, og í 1. hálvleiki bjargaði Geza Turi í Víkinga málinum brotssparki frá Nenad Stankovic.
Í Klaksvík legði KÍ bragdliga fyri, og áðrenn hálvleikurin var hálvrunnin hevði Kristoffur Jakobsen skorað tvær ferðir. Men undan steðginum hevði 07 Vestur svarað tvær ferðir aftur. Í báðum førum var Jens Erik Rasmussen málskjútti, og í 2. hálvleiki var størri tyngd í hjá 07 Vestur.
Á Argjum eydnaðist tað heimaliðnum at vinna eitt stig ímóti meistarunum í EB/Streymi. AB liðformaðurin Janus M. Joensen legði miðskeiðis í 1. hálvleiki heimaliðið á odda. Í 2. hálvleiki spældi EB/Streymur væl, og tjúgu minuttir fyri leiklok gjørdu argjamenn sjálvmál eftir langt innkast.
EB/Streyma ferðin var stór síðstu løtuna, men tað eydnaðist ikki at røkka nærri, enn at AB bjargaði á strikuni.
Víkingur-B68 3-3 (1-0)
1-0: Sverri Jacobsen 30.
1-1: Keita 52.
2-1: Hans Jørgen Djurhuus 56.
3-1: Finnur Justinussen 58.
3-2: Jóan Símun Edmundsson 63.
3-3: Øssur Hansen 88.
AB-EB/Streymur 1-1 (1-0)
1-0: Janus M. Joensen 21.
1-1: sjálvmál 70.
B36-NSÍ 2-3 (2-0)
1-0: Sam Malsom 17.
2-0: Sam Malsom 19.
2-1: Hjalgrím Elttør 57.
2-2: Klæmint A. Olsen 63.
2-3: Jann Ingi Petersen 90.
ÍF-HB 1-3 (0-1)
0-1: Fróði Benjaminsen 20.
0-2: Milan Kulic 53.
0-3: Rógvi Poulsen 63.
1-3: Andy Olsen 66.
KÍ-07 Vestur 2-2 (2-2)
1-0: Kristoffur Jakobsen 3.
2-0: Kristoffur Jakobsen 20.
2-1: Jens Erik Rasmussen br 25.
2-2: Jens Erik Rasmussen 30.
Støðan eftir 7 umfør
HB 16
NSÍ 14
B36, Víkingur og EB/Streymur 11
B68 og AB 8
ÍF 7
07 Vestur 6
KÍ 3
8. umfar
Kristi himmalferðardag
hósdagin 21. mai
AB-Víkingur
KÍ-EB/Streymur
B36-B68
ÍF-NSÍ
07 Vestur-HB
