Um eina viku fer NSÍ at spæla á Svangaskarði. Tá verður Ballymena í útgangsstøðuni frammanfyri 2-0. Tí verður neyðugt hjá NSÍ at binda um í verjuni fyri at ansa eftir, at gestirnir ikki fáa útivallarmálið, sum kann verða avgerandi.
Í kvøld hevði NSÍ góðan møguleika at skora í Norðurírlandi, men Petur Knudsen, sum var sera eyðsýndur, sendi bóltin við síðuna av málinum.
NSÍ legði væl fyri, men sum fyrri hálvleikur leið, fekk heimaliðið betri tak á, og Tórður Thomsen bjargaði fleiri ferðir.
Fyrstu tíggju minuttirnar skoraði Ballymena tvey mál, og NSÍ megnaði ikki at svara aftur, hóast føroyska liðið stóð seg væl síðstu løtuna av vanligu leiktíðini.
Tað vóru yvir tredivu hitastig, og tað darvaði føroyska liðnum, men tað eydnaðist at sleppa undan størri tapi enn 2-0. Tí verður tað møguleiki hjá NSÍ at spæla seg víðari, tá ið Ballymena um eina viku verður gestur á Svangaskarði.
